تحميل تطبيق المدرسة لانظمة اندرويد

العودة   مدرستي الكويتية > مـا بعد الثانوية العامة > جـامـعـة الـكـويـت

رد
 
أدوات الموضوع طرق مشاهدة الموضوع
قديم 06-14-2012, 02:23 AM   رقم المشاركة : [1]
كويت للأبد
عضو جديد
 



افتراضي للطلبة اللي يبون هندسة جامعة الكويت



السلام عليكم ورحمة الله وبركاته

اخواني الطلبة انا أخوكم كنت طالب قبل 3 سنين وكنت اتواجد بهالموقع على أواخر فترة الامتحانات النهائية والحين دخلت بعد فترة طويلة لافيدكم ...

طبعاً الجامعة تقبل للراغبين بالتخصص الهندسي نسبة 80% فمافوق

بس عادي اللي ايب 70% يقدر يدش علوم ومن ثم تحويل إلى الهندسىة لكن بشروط صعبة شوي يبيلها واحد رغبان صح ...

نظام الدرجات بالتدريج تصاعدياً علما أن F يعني راسب : (F,D,D+,C-,C,C+,B-,B,B+,A-,A)

شروط التخصص لكلية الهندسة والبترول :- (اجتياز) :
- فيزياء 1
- فيزياء 2
- كالكلس 1 (رياضيات)
- كالكلس 2 (رياضيات)
-انجليزي 123 لطلبة الهندسة و161 لطلبة العلوم
- كيمياء 1

طبعاً اللي نسبته فوق 80% عادي لو ايب D يتخصص بس لازم معدلك مايقل عن 2 أما طلبة العلوم واللي يرغبون بالتحويل للهندسة والتخصص بنفس الوقت الله يعينهم لازم C بهالمواد الستة اقل شي ومعدل لايقل عن 2.67

النصيحة الأولى : تجنب المواد التمهيدية بقدر الإمكان عن طريق امتحان القدرات واكرر تجنب المواد التمهيدية اذا ماتبي تتأخر أو تطلع لان محاولة المواد التمهيدية الرياضيات مرتين والكيمياء والانجليزي ثلاث مرات فقط واذا مااجتزتهم يطلعونك برى التخصصات العلمية

وللعلم ترى بسهولة تسقط لان المواد التمهيدية مصعبينها فوايد ربعي طلعو بسبب التمهيدي وعلشان أوضحها لكم الساقطين بتمهيدي الرياضيات أكثر من الناجحين بوااايد كل كورس من أول مادشيت ليومكم هذا بشكل مخيف

لذلك تجنبوا هالمواد التمهيدية بأي ثمن ! واذا أخذتوهم شدو حيلكم فيها متابعة صحيح أنها أختياري بس صعبة الامتحانات لان وايد ناس قاعد تدش الجامعة فيبون النخبة أو اللي يتابعون عدل ...

النصيحة الثانية : اذا جبت تحت 80% ودشيت علوم وتبي تحول هندسة لازم تكون صامل للهندسة لان الD بحد ذاتها بالمواد المذكورة فوق صعب فمابالك بالC اللي قبله (D,D+,C-,C) ثلاث قريدات فلازم تكون صامل لان احتمال تعيد كذا مرة المواد اللي فوق وبالاغلب اللي بالعلوم يتخصصون بسنتين أو أكثر ماعدا اللي يشد حيله من أول سنة, طبعاً وايد ناس عندنا ضيعت عمرها على الفاضي وقاعدة فوق سنتين والحين تفكر تحول شي ثاني او تطلع ...

=======================================

- مواد الرياضيات مافيها الة حاسبة ( كالكلس 1 - كالكلس 2 - كالكلس 3 .... ألخ ) وكميتها خصوصا كالكلس 2 كبيرة حيل ودسمة ومايتقارنون بالثانوي اصعب بواااايد أيام الثانوي امتحان رياضيات أخر العام كنت ادرسله أخر يوم هالمواد لازم كل يوم وتحضر دورات او تقرى الكتاب وتحل واااايد مسائل .

- الجامعة بشكل عام كلمالها وتصير أصعب وبعض المرات يجيبون امتحانات تعجيزية للي فاهم عدل وانسى تطلع بمقرر من غير ماتفهمه او تعرف شالسالفة ومواد الفيزياء صعبة وعادي الواحد يقعد فيهم ثلاث مرات للاول أو الثاني يبيله متابعة قوية وحل مسائل واايد وكالكلس 2 دسم وايد عن التكاملات بشكل عام واللي يطوفون فيه شوية كل مرة فلذلك أحسب ألف حساب قبل لاتدش الجامعة لانها يبيلها متابعة غير عن الثانوية 180 درجة وتحتاج تشتري مذكرات وتحضر دورات سواء للجامعة أو القوائم أو مدرس خصوصي أو تجتهد وتحل وايد بالمقرر وتقرى الكتاب ... ألخ

- بالهندسة فيها مواد مشتركة ( بعد ماتخلص هالمواد اللي فوق اللي مال العلوم + كالكلس 3 (رياضيات 3) ولينيير (جبر خطي اذا ماني غلطان) ودفرنشل (ماعرف اسمه بالعربي بس نوع من الرياضيات) ) من ضمن هالمواد مادة البرمجة C++ وطبعا هي أصعب من فيجوال بيسك وفيجيوال بيسك عنده ولاشيء أصلاً عن طريقه سووه الفيجوال بيسك , هالمادة اذا أنت موقادر على الفيجوال بيسك أنسى تطوفه, ووايد مواد مشتركة بس حبيت أذكر هالمادة كمثال لانه في مثلها بالمدرسة مادة برمجية : فيجوال بيسك .

- الجامعة يبيلها صبر وطولة البال ومتابعة,عادي حيل نسبتك فوق 80% وتسقط بمواد وياكثر اللي صاير فيهم جذي يعيدون مادة مرتين أو ثلاث خصوصا المواد الاولية للتخصص أو حتى ناس يطلعوهم والسبب التمهيدي طافو محاولاتهم .

=======================================

هذا اللي عندي بشكل عام واي شيء عندي راح اضيفه هني واذا احد عنده استفسار انا بالخدمة

أخوكم,
محمد

التعديل الأخير تم بواسطة : العبقرية TOTO بتاريخ 06-16-2012 الساعة 05:28 AM. السبب: موضوع مميز بارك الله فيك
كويت للأبد غير متواجد حالياً   رد مع اقتباس
قديم 06-15-2012, 01:01 AM   رقم المشاركة : [2]
طالب ما ينام
عضو جديد
 



افتراضي

يعطيك العافيه اخوي وما تقصر والله يوفقك ويسهل دربك

عندي استفسار ع الهندسه الكيميائيه
شرايك فيها ..؟
شلون توظيفها يقولون صايره لهم مشكله بالتوظيف مو لاقين وظايف ..؟
شنو اندر تخصصات الهندسه بالكويت ..؟
طالب ما ينام غير متواجد حالياً   رد مع اقتباس
قديم 06-16-2012, 01:38 AM   رقم المشاركة : [3]
كويت للأبد
عضو جديد
 



افتراضي

اقتباس:
المشاركة الأصلية كتبت بواسطة طالب ما ينام مشاهدة المشاركة
يعطيك العافيه اخوي وما تقصر والله يوفقك ويسهل دربك

عندي استفسار ع الهندسه الكيميائيه
شرايك فيها ..؟
شلون توظيفها يقولون صايره لهم مشكله بالتوظيف مو لاقين وظايف ..؟
شنو اندر تخصصات الهندسه بالكويت ..؟
الله يعافيك

شوف الهندسة الكيميائية مجالات عمله حلوة تقدر بالأدلة الجنائية تشتغل أو البترول وانا كنت باخذه بس هونت لان ماأحبه وشغله ماعجبني بعدين لو بدش البترول مثلا بالمعامل اشتغل

اما بخصوص الوظائف ماأظن أحد يلقى فرص عمل أكثر من المهندس الميكانيكي حتى بالبترول وعلى فكرة اهو تخصص نادر بس الميكانيكا كرااف

وتقدر تزور الهندسة وتسأل الادارة عن التخصصات النادرة يفيدونك أكثر مني ...

بس عندي ملاحظة بالنسبة للشغل المهندسين وظائفهم صايرة صعبة لان كل سنة تقريباً يخرجون 100 أذا تبي تخصص له وظائف قبل لاتتخرج ومجال عمله قوي عندك تخصص فيزيائي بكلية العلوم بالجامعة...

أتمنى أفدتك وأي شيء ثاني لاتتردد
كويت للأبد غير متواجد حالياً   رد مع اقتباس
قديم 06-16-2012, 01:41 AM   رقم المشاركة : [4]
حــمــنــي
عضو ألماسي
 



افتراضي

شفت البعثات السنه اللي طافت؟
جم مهندس راح ؟

بخطه البعثات الاصليه.. و الشواغر!!!!!
كللللللله كلله مهندسين

الشواغر وصلت النسبه 75% بريطانيا و استراليا و امريكا 80% كلهم انقبلو هندسه..

يعني تخيل الكويت بعد 4 سنين جم مهندس راح يكون فيها لوول
هذول وين بيلقون لهم وظائف؟
هذا بس الشي الوحيد اللي قاعد افكر فيه..
توقيع حــمــنــي

 


وتخرجنااااااااااااا ~O~

 
من مواضيعي في المنتدي

حــمــنــي غير متواجد حالياً   رد مع اقتباس
قديم 06-16-2012, 08:14 PM   رقم المشاركة : [5]
كويت للأبد
عضو جديد
 



افتراضي

اقتباس:
المشاركة الأصلية كتبت بواسطة حــمــنــي مشاهدة المشاركة
شفت البعثات السنه اللي طافت؟
جم مهندس راح ؟

بخطه البعثات الاصليه.. و الشواغر!!!!!
كللللللله كلله مهندسين

الشواغر وصلت النسبه 75% بريطانيا و استراليا و امريكا 80% كلهم انقبلو هندسه..

يعني تخيل الكويت بعد 4 سنين جم مهندس راح يكون فيها لوول
هذول وين بيلقون لهم وظائف؟
هذا بس الشي الوحيد اللي قاعد افكر فيه..
وظائف الهندسة مشكلتها مشكلة الناس كلها تبي هندسة هالأيام,

بالوظائف الأولوية لخريجي جامعة الكويت

بس المصيبة أذا خريج جامعة الكويت مايلقى وظيفة شتقول عن خريج أمريكا أو بريطانيا أو أستراليا ....
كويت للأبد غير متواجد حالياً   رد مع اقتباس
قديم 06-16-2012, 05:24 AM   رقم المشاركة : [6]
العبقرية TOTO
Moderator

 الصورة الرمزية العبقرية TOTO
 




افتراضي

يعطيك العافية أخوي جاري التثبيت للإفادة ما قصرت كفيت ووفيت
توقيع العبقرية TOTO

 



هل أنت من أعضاء الجيل الذهبي بمدرستي ؟
تفضل ادخل الموضوع
http://www.q8classroom.net/vb/showth...54#post2098254

 
من مواضيعي في المنتدي

العبقرية TOTO غير متواجد حالياً   رد مع اقتباس
قديم 06-16-2012, 08:16 PM   رقم المشاركة : [7]
كويت للأبد
عضو جديد
 



افتراضي

اقتباس:
المشاركة الأصلية كتبت بواسطة العبقرية TOTO مشاهدة المشاركة
يعطيك العافية أخوي جاري التثبيت للإفادة ما قصرت كفيت ووفيت
شكراً جزيلاً
كويت للأبد غير متواجد حالياً   رد مع اقتباس
قديم 06-22-2012, 07:07 AM   رقم المشاركة : [8]
سكر*نبات
عضو جديد
 



افتراضي

السلام عليكم يعطيك العافيه ع الموضوع الطيب اللي استفدت منه وايد انا تو خلصت ١٢ وللحين ماطلعت النتايج وكنت ناويه ادخل هندسه بس بكلامك خرعتني منها خصوصا لما تكلمت عن التحويل من العلوم للهندسه الحين انا محتاره اي تخصص اختار ووين اروح اتوقع باذن الله نسبتي تحت ال٨٠ بشوي والله اعلم والحين ابي نصيحه وين اتخصص وشنو اختار
ويعطيكم الف عافيه
سكر*نبات غير متواجد حالياً   رد مع اقتباس
قديم 07-02-2012, 01:08 AM   رقم المشاركة : [9]
كويت للأبد
عضو جديد
 



افتراضي

اقتباس:
المشاركة الأصلية كتبت بواسطة سكر*نبات مشاهدة المشاركة
السلام عليكم يعطيك العافيه ع الموضوع الطيب اللي استفدت منه وايد انا تو خلصت ١٢ وللحين ماطلعت النتايج وكنت ناويه ادخل هندسه بس بكلامك خرعتني منها خصوصا لما تكلمت عن التحويل من العلوم للهندسه الحين انا محتاره اي تخصص اختار ووين اروح اتوقع باذن الله نسبتي تحت ال٨٠ بشوي والله اعلم والحين ابي نصيحه وين اتخصص وشنو اختار
ويعطيكم الف عافيه
خل تطلع النسبة بعدين تقدرين تعرفين شنو خياراتج
كويت للأبد غير متواجد حالياً   رد مع اقتباس
قديم 06-29-2012, 01:26 AM   رقم المشاركة : [10]
هنديه توتو
عضو نشط

 الصورة الرمزية هنديه توتو
 




افتراضي

السلآم عليكم ورحمة الله وبركاته
عساك على القوه اخوي محمد
انا مو متاكده مِن قبولي لجامعة الهندسه
بس كلية العلوم انا ضامنتها
عندي كذا سؤال ميخالف استحملني
- بالنسبه للقدرات انا معديه كل المواد في الرياضيات 55 وفي الانجليزي 80 وفي الكيمياء 52
الكيماء اعتبر معديته ولا يبيلي تمهيدي

- لما احول من العلوم للهندسه راح تكون صعوبه اكبر من الي دخل فوري للهندسه ولا نفس الشي ؟

- الصعوبه في الكميه او المنهج نفسه ،؟ وطلاب الهندسه ياخذون نفس المواد ولا إحنا عندنا مواد اضافيه ؟ "من علوم لـ هنسه" ؟


- لو اشد حيلي اول سنه "التحويل" جم تتوقع نسبة القبول


- افضل الدكاتره لأول سنه منو تنصحنا فيهم ؟


- شنو افضل تخصصات الهندسه من ناحيه سهولة الدراسه والوظيفه؟



- بشكل عام الدراسه راح تكون صعبه في السنه الثانيه والثالثه ؟ ولا نفس المستوى وانا ناويه ادش هندسه مدنيه ‘ن شاء الله ؟




- تقسيمة المواد يعني راح ناخذ جم ماده بالكورس وهي سنه او اكثر




يعطيك الف الف الف عافيه لاهنت اخوي
ماقصرت والله يوفقك وين ماكنت
توقيع هنديه توتو

 



طموحي كبير

وعزمي حديد

واصراري خطير

وثقتي من رب العالمين
 
من مواضيعي في المنتدي

هنديه توتو غير متواجد حالياً   رد مع اقتباس
رد

مواقع النشر (المفضلة)

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع إلى


الساعة الآن: 08:48 PM


Powered by vBulletin
أكـبر تـجمع تـربوي كـويتي عـلى الانـترنـت منذ عام 2004
تصميم مواقع