تحميل تطبيق المدرسة لانظمة اندرويد

العودة   مدرستي الكويتية > مـا بعد الثانوية العامة > ملتقى طلاب و طالبات الجامعة و المعاهد

مشاهدة نتائج الإستفتاء: هل افادك الموضوع ؟^^
نعم كثيرا شكرا لكِ 72 96.00%
لا .. لم استفد منه شيئاً 3 4.00%
المصوتون: 75. أنت لم تصوت في هذا الإستفتاء

رد
 
أدوات الموضوع طرق مشاهدة الموضوع
قديم 03-01-2010, 11:55 AM   رقم المشاركة : [1]
DR.dark0.o
عضو برونزي

 الصورة الرمزية DR.dark0.o
 




A23 القدرات كل شيء تريده ^^

[]السلام عليكم و الرحمه ..[/


شلونكم يا طلاب وطالبات الثانوي من عاشر و حادي عشر و ثاني عشر ..


هذا الموضوع فتحته بسبب كثرة الاسئله عن القدرات و شنو هذا و شنو يعني .. و شنو ندرس والخ من الاسئله ..^^

و الحوسه اللي عايشينها وقاعدين نعيشها بسبب القدرات ^^


( هذا الموضوع حصري لمنتديات مدرستي ولا احلل النقل لاي شخص دون الاستئذان مني وذكر اسمي ^^)



بدون كلام واايد بدش بالموضوع ^^




[OVERLINE]
القدرات
[/OVERLINE]






: [/]

بدأت جامعة الكويت هذا النظام من سنه 1996/1997 م
عشان تحسن مستوى الطلاب المنتسبين للجامعة و اختيار النخبة من الطلاب الذين يناسبون تلك الكليات

القدرات بأختصار هو نظام امتحانات 3 امتحانات ( رياضيات - انجليزي-كيميا ) كل كليه تحدد اي الاختبارات تريد .. وهذا الجدول يوضح للكليات اللي تبي القدرات



( معدل مكافئ يعني يبون النسبه . تحديد مستوى يعني بس نجاح ^^)

وهاذي الامتحانات ضروريه في الكليات السابقة فقط و لها اهمية مثل اهمية نسبتك بالثانوي .. يعني الكليات تاخذ من نسبتك من الثانوي و تضيفها الى نسبة القدرات بحسبه معينه الصوره التاليه توضحها ^^ اما باجي الكليات فما تبي قدرات ^^





طريقة الحسبه ^^





و علما بأن القدرات مو دايما تنزل المعدل في حالات تثبته او ترفعه ^^ واذا ما قدمت قدرات في الكليات اللي ذكرتها لن تقبل بالكليه و ما في تمهيدي هذا قرار اصدروه حديثا بالنسبه لبعض الكليات من ضمنها الطب ..^^




عدد مرات التقديم :


طبعا الكل يعرف من 11 و 12 انه في 6 فرص 3 ب11 و 3 ب12 ..


ومواعيد اختبارات هالسنه


مواعيد الإختبارات القادمة ومكان التسجيل :

http://cmtd.kuniv.edu.kw/




كيفية التسجيل و القواعد لادخل القدرات :





التسجيل يتم في صالة القبول والتسجيل بمبنى الجامعه بشويخ ..

و لازم يكون معاك :

= البطاقة المدنية الاصليه


= رسم الاختبار ( يعني فلوس يكون معاك 5 دنانير لكل امتحان بالنسبه للتسجيل العادي اما المتأخر لازم يكون معاك 10 دنانير لكل ماده )



= صوره شخصيه ملونه (4×6)


= ولي امرك يقدر يسجلك


= ما راح يسجلونك اذا خلص الموعد للتسجيل ( ترا زحمه الحق على عمرك و سجل مبجر )



= فلوسك ما تنرد لك حتى لو ما قدمت الاختبار ^^



= كل امتحان مدته بس ساعه يعطونك مثل مذكره فيها 3 الوان ابيض و ازرق واصفر ... اول فصل الابيض هذا امتحان الانجليزي تمتحنه بساعه و الانجليزي الامتحان ينقسم ل قواعد و كلمات و 3 فقرات و عليهااسئله و الازرق رياضيات ما يصير تفتح على الرياضيات حتى لو خلصت الانجليزي مبجر و ما يصير ترد على الانجليزي اذا خلص الوقت .. و الاخير كيميا ^^





= الامتحان انت تختار اللغه عربي او انجليزي لما تروح تعبي اسمارة التسجيل ..^^
( نصيحه اطبع الاستماره هاذي واكتب عليها وروح قدمها لهم لانه زحمه ويالله تخلص عمرك ^^)


وهاذي الاستماره

http://cmtd.kuniv.edu.kw/






= الامتحان تقدر تقدمه اكثر من مره و ياخذون اعلى درجه يبتها





= نصيحه يا حادي عشر اخذوا كل الفرص ترا غيركم وااايد ندموا كلمت جم طالب وطالبه قدموا بس 12 وما يابوا زين يقولون ليتنا خذينا 11






= بالنسبه للامتحانات المدرسيه لا تخافون في قرار من الوزاره انه امتحان القدرات لازم ما يكون قبل امتحان مدرسه رسمي (( اما القصيره ما ادري اتوقع ما يشملها القرار ^^





= الامتحانات تصير بكلية الشريعه او الاداب او الهندسه ^^ .. يعني لو تبي تسجل مع رفيجك خل واحد منكم يسجل للثاني لانهم يطشرونكم ^^





= بالرياضيات ممنوع استخدام اله حاسبه بالكيميا عادي و الموبايلات مسموحه بس تطفيه لما تدخل الامتحان





= يكون معاك قلم رصاص HB أو رقم 2 و برايه ومحايه و ممنوع الحبر السائل او الجاف بكل الوانه





= لما تروح صالة الامتحان لازم تكون هناك الساعه 8.30 عقبها ما راح يدخلون الامتحان يبدي الساعه 9 و يخلص الساعه 12 ..







= الامتحان يصلحه الكمبيوتر فلما تجاوب بورقة الاجابات ( راح يعطونك مذكرة الامتحان و ورقة الاجابات تجاوب بالورقه مو بالمذكره المذكره راح تنقط بس الورقه تدخل بالكمبيوتر ) لازم تغمج الدوائر و تلونها تلوين كامل مثل الصوره






ورقة الاجابات




الويه


الظهر




طريقة التظليل :







= بالنسبه من يضع الامتحان .. الكمبيوتر يحطه يعني في بنوك اسئله بالكمبيوتر و اهو يختار الاسئله و يحطها يعني ممكن تتكرر الاسئله ^^ درسوا عدل







طرق الدراسه للقدرات :




من خلال محادثاتي مع جم طالبه وطالب من الجامعه عن شلون نجحوا بالقدرات في طرق عديده صراحه
وبحطها لكم


1) الدورات اللي تقدمها الجامعه و هي دورات انجليزي و رياضيات و كيميا .. يقولون الرياضيات الدوره ما تفيد واايد والكميا يقولون تضمن لك فوق ال90 انشالله والانجليزي يعطونك الكلمات اللي ممكن تدش بالامتحان ^^ كل دوره مدتها 5 ايام .. بالنسبه للرسوم والجدول بحاول ايبهم انشالله ^^





2) في بعض الطلاب اعتمدوا على مدرسين خصوصين خاصه بالرياضيات ..

و هذا موقع تشكر عليه M.M.M لانها دلتني عليه لارقام مدرسين يدرسون قدرات ^^


http://www.q8tutors.com/modareseen-math.php


3) هاذي الطريقة واايد ناس استعملوها خاصه للكيميا راحوا يابوا الكتب القديمه ودرسوا منها


وبالنسبه للي بيدرسون الكيميا من الكتب نطروا ردي بالنسبه لتلاخيص الكيميا بعطيكم تقسيمه حلوه ^^




وبجذي اخلص او جزء من القدرات و اللي ما يعرفون شنو القدرات ^^ هذا الموضوع مفتوح اللي عنده شي يا ريت يضيفه للقدرات .. اي سؤال بالنسبه للقدرات لا تترددون .. ^^ وانشالله بنحاول نفيدكم ^^


و انا ما ابي شي من هالموضوع الا تدعولي ^^ و تدعون لكل واحد راح يضيف معلومه بهالموضوع ^^




لي عوده بالتلاخيص واشياء كثيره للقدرات




وهذا الموقع الرسمي للقدرات ^^


http://cmtd.kuniv.edu.kw/
تحياتي للجميع ^^


اختكم : داركو
توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

DR.dark0.o غير متواجد حالياً   رد مع اقتباس
قديم 03-01-2010, 12:15 PM   رقم المشاركة : [2]
KHALED_8
عضو جديد
 



افتراضي

تسلمين اختي ..

وربي يعطيج العافية

مجهوود تشكرين علييه ..

وانا ان شاء الله راح اقدم على اختبار شهر 4 انجليزي

بالتوفيق للجميع
KHALED_8 غير متواجد حالياً   رد مع اقتباس
قديم 03-01-2010, 12:25 PM   رقم المشاركة : [3]
سمبتـيكآ
عضو ذهبي

 الصورة الرمزية سمبتـيكآ
 




افتراضي

صج صج صج يعطيييييييج العاافيه وايد كلفتي ع روحج ومااتقصرين
دايم سبّآقه بالخيــر
تقبلي مروري
توقيع سمبتـيكآ

 


 
من مواضيعي في المنتدي

سمبتـيكآ غير متواجد حالياً   رد مع اقتباس
قديم 03-01-2010, 12:45 PM   رقم المشاركة : [4]
مهندسه دوت كوم
عضو فضي

 الصورة الرمزية مهندسه دوت كوم
 



افتراضي

الله يعطيج العافيه
والله ايوفقج انشالله
الصراحه وايد استفدنا
توقيع مهندسه دوت كوم

 

خريجه دوت كوم (سابقا)
سبـــــــــــحان الله وبحمده...سبـــــــــــحان الله العظيم

اقبلوني بالهندسه
لك الحمد ياربي انك حققت حلمي
يارب وفقني بالهندسه وسهلها علي
 
من مواضيعي في المنتدي

مهندسه دوت كوم غير متواجد حالياً   رد مع اقتباس
قديم 03-01-2010, 01:17 PM   رقم المشاركة : [5]
DR.dark0.o
عضو برونزي

 الصورة الرمزية DR.dark0.o
 




افتراضي

يعافيج حبيبتي ..

امين اجمعين ..

الحمدلله انشالله بنزل الباجي خخ بس النت معلق لوولز

مشكووره على الرد و المرور


تحياتي ^^
توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

DR.dark0.o غير متواجد حالياً   رد مع اقتباس
قديم 03-01-2010, 02:21 PM   رقم المشاركة : [6]
hawwaj
عضو فعال

 الصورة الرمزية hawwaj
 



افتراضي

مشكوووووورة حبيبتي عالمجهوود الرائع
الصراحة موضوع واايد حلو خاصة حق اللي ب11 ومو عارفين أو مو فاهمين شسالفة القدرات
أناااا بنصح الكل إنه مايدش و يمتحن رياضياات إلا إذا كان دارس عدل أو يايبله مدرس أو داش دورة أو شي لأن صج صج يوهق الرياااضياات
والمساائل الحياتية خو لا تعلييق ... لوووول
الله يوفقج ويوفقنا أجمعييين إنشالله
توقيع hawwaj

 العلم نور يستضاء به

 
من مواضيعي في المنتدي

hawwaj غير متواجد حالياً   رد مع اقتباس
قديم 03-01-2010, 02:36 PM   رقم المشاركة : [7]
om--kesha
عضو مميز جدا

 الصورة الرمزية om--kesha
 




افتراضي

توقيع om--kesha

 




GD LucK ALL[/CENTER]

 
من مواضيعي في المنتدي

om--kesha غير متواجد حالياً   رد مع اقتباس
قديم 03-01-2010, 02:39 PM   رقم المشاركة : [8]
"أسير الشوق"
Banned

 الصورة الرمزية "أسير الشوق"
 



افتراضي

يسلمووووووووووووووووووووووو
توقيع "أسير الشوق"

 صورة ممنوعه - 6-6-2010

 
من مواضيعي في المنتدي

"أسير الشوق" غير متواجد حالياً   رد مع اقتباس
قديم 03-01-2010, 02:47 PM   رقم المشاركة : [9]
@دار السكون@
عضو مميز
 




افتراضي

شكرااااااااااااا ع الموضوع الرائع
وانا صراااحه ما كنت اعرف شنو القدرات
@دار السكون@ غير متواجد حالياً   رد مع اقتباس
قديم 03-01-2010, 03:00 PM   رقم المشاركة : [10]
ياليت القصة كانت حلم
عضو مميز

 الصورة الرمزية ياليت القصة كانت حلم
 



افتراضي

يعطيج العافيه
وناطرين التقسيمه
توقيع ياليت القصة كانت حلم

 

 
من مواضيعي في المنتدي

ياليت القصة كانت حلم غير متواجد حالياً   رد مع اقتباس
رد

مواقع النشر (المفضلة)

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع إلى


الساعة الآن: 12:46 PM


Powered by vBulletin
أكـبر تـجمع تـربوي كـويتي عـلى الانـترنـت منذ عام 2004
تصميم مواقع