Warning: eregi(): REG_EMPTY in [path]/showthread.php(2167) : eval()'d code on line 12
يلا ندرس للقدرات ^^( الجزء الاول الرياضيات ^^) حل مذكرة القدرات - الصفحة 3 - مدرستي الكويتية
تحميل تطبيق المدرسة لانظمة اندرويد
منتديات مدرستي ~~~ تذكير ببعض قوانين مدرستي ~~~~ تم ايقاف التسجيل بأسماء اجنبية و يمكن طلب التغيير في قسم الاقتراحات و الشكاوي ~~~~ يرجى عدم السؤال عن الادارات المدرسية ~~~~ تم ايقاف الرسائل الخاصة و لمراسلة الادارة يرجى وضع موضوع في قسم الشكاوي ~~~~ يرجى عدم وضع صور النساء أو مواضيع عن الفن أو الاغاني ~~~~ يمنع منعا باتا الاعلان عن الدروس الخصوصية أو وضع ارقام التلفونات ~~~~ يمنع وضع تجمعات بأسماء المدارس ~~~~ يرجى وضع عنوان واضح للموضوع و الحرص على وضعه بالمكان المناسب ~~~~يمنع وضع روابط لصفحات شخصية كـ ask me في التوقيع ~~~~ طلبات تغيير الاسماء يتم تلبيتها كل سبت ان شاء الله ............... متمنين لكم أطيب الاوقات في منتديات مدرستي

العودة   مدرستي الكويتية > مـا بعد الثانوية العامة > ملتقى طلاب و طالبات الجامعة و المعاهد

مشاهدة نتائج الإستفتاء: هل استفدت ؟!
ايي وااايد مشكووره ^^ 23 100.00%
لا وما كان له داعي الموضوع &.& 0 0%
المصوتون: 23. أنت لم تصوت في هذا الإستفتاء

رد
 
أدوات الموضوع طرق مشاهدة الموضوع
قديم 03-29-2010, 03:14 PM   رقم المشاركة : [21]
DR.dark0.o
عضو برونزي

 الصورة الرمزية DR.dark0.o
 




افتراضي

اقتباس:
بسجل





خوووش فكرة لان الرياضيات معقدني
ويلكمو نورتي .. انشالله ما فيه تعقيد بس نفذي اللي كتبته باول صفحه وبتشوفينه تافه

ويلكم ^^



اقتباس:
يعطيييييييييييييييج الف عااااافيه وبميزان حسناتج

انشاء الله

يعافيج مشكووره حبيبتي ^^ نورتي

اقتباس:
مشكوره على الدرس الثاني خيتوو
لي عوده إن شاء الله .. !!
العفو اخوي بالانتظار ^^





---------------------

اعلان :اليوم و للأسف حص ظرف طارئ عطونا امتحان لذا سوري درس اليوم يتأجل انشالله .. واذا قدرت بنزله بس اذا ما قدرت اعذروني ^^

تحياتي للجميع

توقيع DR.dark0.o

 














قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 03-30-2010, 09:31 PM   رقم المشاركة : [22]
فاي
عضو فعال
 



افتراضي

عسى المانع خير حضرت و الابلة والصف غايبين

فاي غير متواجد حالياً   رد مع اقتباس
قديم 03-30-2010, 11:25 PM   رقم المشاركة : [23]
HOMOUD_911
عضو فعال

 الصورة الرمزية HOMOUD_911
 



افتراضي

يزاج الله خير أختي


إن شاء الله تكونين من الثلاثة الأوائل وتدخلين الطب


وإن شاء الله أ يييب نسبة الطب وأدخل الكلية اللي كنت اتمنى ادخلها من كنت صغير


والله الموفق سبحانه

HOMOUD_911 غير متواجد حالياً   رد مع اقتباس
قديم 03-31-2010, 09:16 PM   رقم المشاركة : [24]
غـصون
عضو جديد
 



افتراضي

مشكووره حبيبتي
يعطييج الف الف عاافيه
ووياارب انشاءالله تدخلين كلية الطب

توقيع غـصون

 

 
من مواضيعي في المنتدي

0 بـــلييييييز مــسآآآآعده
0 بلييز مسسآآعده :)
0 بلييييييز ابي حل work book و حل students book الصف 11

غـصون غير متواجد حالياً   رد مع اقتباس
قديم 03-31-2010, 09:57 PM   رقم المشاركة : [25]
فانيليا
عضو مميز
 



افتراضي

شكرا جزيلا و ان شاء الله في ميزان اعمالج

فانيليا غير متواجد حالياً   رد مع اقتباس
قديم 04-02-2010, 05:29 AM   رقم المشاركة : [26]
آلــفــآإرسهـ
عضو ألماسي
 



افتراضي

بسجـــــــــل ممكن:$


ممم الله يحققققققق كل امانييييييييج يالغــــــلآ
وبالتوفيييييييييييييييييق ودشييييييييييييييييييييييييين الطب وانتي مغمضه وعساني اسسسسسسسسمع اسمج
من الاوائل الكويتين ويكووون رقمج ممم
ممم

<<بدت النذالهـ ..ههههههه اي رقم تبيييين ..؟
ممم الله عطاج من الـ1 لييييييييما الــــ50 اي رقمم
الـــــــ2 يارب
عن الحسسسسسسسسد بعد اخاف عليييييييج
عشان جذي حطييييييت رقم 2 بع مو ناقصييييين تعرفيييين عيون خلق الله ع اتفه الاسباااب

بالتوفيق ودعواتج لــــــي اني ادش الجامعه بتخصص يرفع راس اهلـــــي

توقيع آلــفــآإرسهـ
 
من مواضيعي في المنتدي

0 المشـآعـر 14/12 ...~
0 [ رجل يستحي من زوجتهـ ]..تستحق القراءة..~
0 زاد نـــوؤر آلمنتدى بحضــورج يـ آلمشـآعر ..~
0 لمــآإ تعالي شووي..~
0 الحمدلله على السـلآمـه يــآ المشـــآعر..~

آلــفــآإرسهـ غير متواجد حالياً   رد مع اقتباس
قديم 04-02-2010, 10:35 AM   رقم المشاركة : [27]
DR.dark0.o
عضو برونزي

 الصورة الرمزية DR.dark0.o
 




Smile

سوووري على التأخير بس تعرفون تجهيز للتفوق وحوسه وغير جذي عندي معرض و القدرات و رحله والخ ..خخخ سوري ما مداني اشبك حتى سجلت رد من الموبايل ^^ سوووري

طبعا الوحيده اللي حلت الواجب المره اللي طافت فاي ^^ ( فراح تاخذ نقطه ..) واذكر اللي ياخذ 3 نقاط راح تكون له هديه وهي توقيع على حسب اختياركم و الصوره اللي تبونها ... والاجابه كانت ( د)

و اللحين بنزل الدرس وبعدين برد اوكزز ^^

درسنا اليوم عن عقدة نص البشر و اولهم انا و بكل فخر خخ المسائل الحياتيه ^^:



الكل يفك صفحه 20 اللحين ^^

اليوم الدرس راح اعطيكم ياه عن المساحات والحجوم و الباجي انشالله بالدرس الياي ^^



يلا بسم الله نبدي :


طبعا الكل يعرف من اسمها مسائل حياتيه يعني تتعلق بحياتنا ونحتاج لها بحياتنا و تنقسم قسمين


1) اللي لها قوانين محدده مثل درسنا اليوم

2) و اللي تعتمد على التفكير ومالها قانون ^^ وهذا الدرس الياي^^



1) نبدي بالمساحات لما اقولك مساحه الحديقه مثلا ابي افرش ارض الحديقه ورد .. لازم اعرف جم ورده احتاج و جم ورده تترس هالحديقه عشان جذي ابي اعرف جم ورده احتاجها عشان احط الورد اللي بالطول وجم ورده عشان الورد اللي بالعرض ^^ وجم و رده داخل الحديقه فعشان جذي ابي اعرف الطول والعرض ^^ و اضربهم ببعض واطلع المساحه الخضرا (اللي بالصوره )




مثل هالصوره








اتمنى تكونون فهمتوا هاذي فايدة المساحه .. وجذي اعرف المساحه و المساحه دائما تكون حاصل ضرب شيين ( اما طول بعرض او قاعده بارتفاع او قطر دائره تربيع ^^)



فلو تشوفون القوانين أ و ب و ج اللي موجودين بالكتاب كلهم ناتج ضرب شيين ببعض ^^

هالقوانين تنحفظ ..^^


شوفوا معاي مثال 1


شلون نوجد مساحة اشياء معقده او فيها شوي فناتك .. اول ما تشوف شكل جذي تروح تقسمه لاشياء بسيطه مثل مثلثات او مربعات او مستطيل او دائره ..^^ و منها تقدر تحل .. و تجمع المساحات مع بعضها ^^ ..

شوفوا معاي مثال 4 ص21 شوي فيه فكره صغيره

اول شي لما تشوف شكل جذي تروح تقسمه لاشكال سهله تعرف مساحاتهم انزين لما قسمت طلعلك مستطيل والشكل الثاني نص دائره شلون تطلع قانون نص الدائره تروح تضرب قانون المساحه بنص وتحل عادي^^


وهاذي اسهل طريقه لحل الاشكال المعقده اما تاخذون هالطريقه او تحفظون مساحة كل شكل يعني مساحة المعين و ما ادري شنو .. بس انشالله تكون هالطريقه سهله عليكم ^^


انزين في سؤال مر علي شوي يبيله تفكير لما يقولك مساحة سطح مكعب .. انتبه انا ما عندي مساحه اسمها مساحه مكعب بس عني سطح مكعب شلون صاير سطع المكعب راح تشوف انه مربع .. عشان جذي لما يقولك مساحه سطح مكعب يعني مساحة مربع .. وبعد مساحة قاعدة مخروط او اسطوانه يعني مساحة دائره ومساحة سطح شبه مكعب يعني مساحة مستطيل هاذي الاسئله يموتون عليها ودايما ييبونها فركزوا عليها شويي اوكزز ^^ و حطوها بورقه ^^ واهي تعتمد على التخييل بس شوف شنو الشكل وشلون صاير سطحه و بعدين ييب مساحته .


( على فكره مساحة المربع هي =طول الضلع × نفسه )



بجذي اكون خلصت معاكم المساحات اذا ملخص هالكلام انه المساحه عباره عن ضرب شيئين ببعض ..^^ لازم شيئين( يعني طولين ( طول × عرض او قاعده × ارتفاع او × نصف قطر تربيع ( و نصف قطر تربيع يعني نصف القطر في نفسه ^^) .و.تحفظون مساحات المربع والمستطيل والدائره والمثلث
و غير جذي تركزون لما ييب لكم مساحة سطح مكعب ( انتبهوا على كلمة سطح انتبهوا على كلمة سطح مهمه ) او قاعدة مخروط او قاعدة اسطوانه او سطح شبه مكعب لازم تعرفون القوانين ^^)




2) الحجوم و المكاييل^^


اكييد الكل يسأل شنو الفرق بين الحجوم و المكاييل


الحجم ( يعني جسم ثلاثي الابعاد ) يعني لازم 3 اشياء مضروبه ببعض ^^ ..


اما المكاييل ( هي كل ما يكال يعني كل ماله كتله ) يعني بالعامي لو عندي صندوق وبترسه كتكات مثلا الكتكات له كتله وله طول وعرض وارتفاع ( ارتفاع اصبع الكتكات ^^) (( يوعانه من الصبح لوولز

الموهمز .. هذا قصدي من المكاييل ابيكم تفرقون بين المكيال والوزن لانه المكيال يعتمد على الكتله ( والكتله لو تذكرون ما تتغير بتغير الجاذبيه بس الوزن يتغير ^^) رجعوا لايام عاشر شوي ^^


اوك شوفوا معاي ص 21

حجم المنشور مو الموشور صلحوها غلطه مطبعيه ^^

اللحين مو انا قتلكم الحجم ثلاثي الابعاد يعني 3 اشياء ببعض بتسئلوني شلون ثلاثي الابعاد و حجم المنشور = مساحة القاعده × الارتفاع ^^


انا مو قتلكم انه المساحه عباره عن شيئين ببعض ^^ و ضرب الارتفاع يعني 3 اشياء ^^


و المنشور مساحتة مو ثابته يعني مثل ما عرفنا انه مثلث ( بس طلع فيه منشور مربع ومستطيل (( مع انها مو داشه بمخي بس الابله تقول امبلا فيه ؟؟؟!! و كتاب القدرات بعد . فحفظوها انه فيه اكثر من شكل للمساحه يعني لو قالك منشور مربع القاعده تاخذ مساحة المربع × الارتفاع ^^

بعدين عندكم حجم الاسطوانه والاسطوانه مثل ما قلت انه قاعدتها دائره^^


و المخروط بعد مساحة قاعدته دائره بس حطينا ثلث عشان التفريق ( هذا كلام الابله خخ )



انزين المو حلو بالقدرات انه مو لازم نيبهم مباشره بس لازم نييبهم بمسأله طويله شوي ^^


شوفوا معاي مثال واحد ^^ ص22


لما ايي بفرش طريج بالاسفلت شوفوا الاسفلت انا مالي شغل بشكل الطريج انا لي شغل بالاسفلت ^^


الاسفلت له طول وعرض وارتفاع ( هو السماكه ترا ^^) صح ^^ و بما انه ثلاث ابعاد اذا هو حجم ^^


اطلع حجم الاسفلت انزين انا عندي حجم الاسفلت و عندي سعة كل شاحنه راح اقسم حجم الاسفلت على السعه عشان يطلع لي جم شاحنه ابي ^^

اتمنى تكونون فهمتوها ^^ يعني ابي اشوف جم شاحنه تشيل جم سم3 من الاسفلت ^^


انشالله تكون سهله واللي ما فهم يقولي اشرحها مره ثانيه ^^


لو عطاك طول وعرض وارتفاع تروح تطلع الحجم ( اللي اهو جم جرام مثلا او جم علبه ) وتقسمه على السعه ..


انزين لو عطاك عدد العلب او الحجم جاهز بس تروح تقسم على السعه نفس مثال 2 ^^


شوفوا معاي مثال 3 هذا دش المره اللي طافت بالامتحان مال القدرات بالضبط و نفس الارقام بعد ^^ ركزوا عليها تراه مهم هالنوع من الاسئله ^^


وتراه نفس طريقة الحل مالت الاولى اطلع الحجم او عدد العلب و بعدين اقسمه على السعه ^^


و قانون الحجم عامه = ل 3 ( لام تكعيب ) يعني حاصل ضرب 3 اطوال

...



بتأكد بس من جم شي بسؤال ص72 رقم 18 .. وارد عليكم .. اللي عرف يحله يدزلي الحل ..بس اتوقع انه فيه شي ..؟



بحاول احله وانزل الحل المره اليايه ^^




الله يوفقكم كلكم و انشالله تستفيدون من هالدرس واللي عنده اسئله انا حاضره ^^



تحياتي للجميع

توقيع DR.dark0.o

 














قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 04-02-2010, 10:42 AM   رقم المشاركة : [28]
DR.dark0.o
عضو برونزي

 الصورة الرمزية DR.dark0.o
 




افتراضي

اقتباس:
عسى المانع خير حضرت و الابلة والصف غايبين
لا خير لا تخافين خخ شغلات حفلة التفوق ومعرض مسويته ^^


هه دليل شطارتج ^^ الله يوفقج ^^


اقتباس:
يزاج الله خير أختي


إن شاء الله تكونين من الثلاثة الأوائل وتدخلين الطب


وإن شاء الله أ يييب نسبة الطب وأدخل الكلية اللي كنت اتمنى ادخلها من كنت صغير


والله الموفق سبحانه

آمين انشالله اجمعين الكل يحقق طموحه ^^ .. انشالله تدخلها وتييب نسبه ^^


و ندخلها احنا بعد ^^


مشكوور اخوي على المرور والرد ^^




اقتباس:
--------------------------------------------------------------------------------

مشكووره حبيبتي
يعطييج الف الف عاافيه
ووياارب انشاءالله تدخلين كلية الطب
العفو حياتي ^^ ويعافيج .. آمين والكل يحقق طموحه ^^ مشكووره على الرد والمرور نورتي ^^



اقتباس:
شكرا جزيلا و ان شاء الله في ميزان اعمالج

العفو آمين .. مشكووره على الرد والمرور نورتي ^^




اقتباس:
بسجـــــــــل ممكن:$


ممم الله يحققققققق كل امانييييييييج يالغــــــلآ
وبالتوفيييييييييييييييييق ودشييييييييييييييييييييييييين الطب وانتي مغمضه وعساني اسسسسسسسسمع اسمج
من الاوائل الكويتين ويكووون رقمج ممم
ممم

<<بدت النذالهـ ..ههههههه اي رقم تبيييين ..؟
ممم الله عطاج من الـ1 لييييييييما الــــ50 اي رقمم
الـــــــ2 يارب
عن الحسسسسسسسسد بعد اخاف عليييييييج
عشان جذي حطييييييت رقم 2 بع مو ناقصييييين تعرفيييين عيون خلق الله ع اتفه الاسباااب

بالتوفيق ودعواتج لــــــي اني ادش الجامعه بتخصص يرفع راس اهلـــــي

أكييد ممكنين المكان مكانج وانتي الداشه واحنا الطالعين ^^


آميننننننننننننننننننننننننننننننننننننننننننننننن نننننننننننن وانتي بعد انشالله
خخخ اي والله لو الناس تصفي قلوبها جان الدنيا بخير ^^


نورتي الصف حبيبتي .. مشكووره على الرد والمرور ^^


انشالله تدخلينها وتكونين من الاوائل بعد ^^


تحياتي

توقيع DR.dark0.o

 














قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 04-02-2010, 01:45 PM   رقم المشاركة : [29]
جامعية شطوورة
عضو فضي

 الصورة الرمزية جامعية شطوورة
 




افتراضي

مشاء الله عليج .. الله يوفقج انشاء الله لان جد قاعدة تفيدينا


انا تبعت وياج وفهمت الدروس اللي حطيتيهم بس وقف وياي مثال 1 .. ليش حليناها بقانون الحجوم ؟

ومثال 3 بعد ؟

جامعية شطوورة غير متواجد حالياً   رد مع اقتباس
قديم 04-03-2010, 05:49 AM   رقم المشاركة : [30]
نظرة خجل
عضو مميز جدا

 الصورة الرمزية نظرة خجل
 




افتراضي


مشكوره حبيبتي ويعطيج العافيه
وانا بسجل بعد

بس انا شوي ضايعه بالقدرات وابي اعرف اي وقت التسجيل حقها وباي تاريخ الي في الجامعه

وابي اسالج بعد بتسوين دروس حق الانجلش والكيمياء

ومشكوره مره ثانيه واسفه طولت عليج

نظرة خجل غير متواجد حالياً   رد مع اقتباس
رد

مواقع النشر (المفضلة)

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع إلى


الساعة الآن: 09:33 AM


Powered by vBulletin
أكـبر تـجمع تـربوي كـويتي عـلى الانـترنـت منذ عام 2004
تصميم مواقع