تحميل تطبيق المدرسة لانظمة اندرويد
منتديات مدرستي ~~~ تذكير ببعض قوانين مدرستي ~~~~ تم ايقاف التسجيل بأسماء اجنبية و يمكن طلب التغيير في قسم الاقتراحات و الشكاوي ~~~~ يرجى عدم السؤال عن الادارات المدرسية ~~~~ تم ايقاف الرسائل الخاصة و لمراسلة الادارة يرجى وضع موضوع في قسم الشكاوي ~~~~ يرجى عدم وضع صور النساء أو مواضيع عن الفن أو الاغاني ~~~~ يمنع منعا باتا الاعلان عن الدروس الخصوصية أو وضع ارقام التلفونات ~~~~ يمنع وضع تجمعات بأسماء المدارس ~~~~ يرجى وضع عنوان واضح للموضوع و الحرص على وضعه بالمكان المناسب ~~~~يمنع وضع روابط لصفحات شخصية كـ ask me في التوقيع ~~~~ طلبات تغيير الاسماء يتم تلبيتها كل سبت ان شاء الله ............... متمنين لكم أطيب الاوقات في منتديات مدرستي

العودة   مدرستي الكويتية > أقسام تلاميذ و طلبة مدرستي > أقسام تعليمية منوعه > أقسام تعليمية منوعة > سوالف طلاب و طالبات مدرستي

رد
 
أدوات الموضوع طرق مشاهدة الموضوع
قديم 07-07-2011, 12:33 PM   رقم المشاركة : [1]
DR.dark0.o
عضو برونزي

 الصورة الرمزية DR.dark0.o
 




A11 طريقك الى الخمسين الاوائل و التفوق والقبول للكليه اللي تبيها ( مقدم من داركو )

السلام عليكم ورحمة الله وبركاته ..
اتمنى كلكم تكونون بخير ^^..
طبعا انا وعدتكم على اساس انزل هالموضوع الجمعه ..بس بما اني مريضه وماعندي شغله غير اللاب فما راح اروح اليوم ^^.. وبقعد اكتبلكم هالموضوع ^^...



ما راح اطول عليكم اتوقع الكل يعرفني وللي ما يعرفني ..
باختصار انا دارك لجند طالبه من العشره الاوائل على الكويت خريجة 2011 تم قبولي بالطب ولله الحمد وان شاء الله راح اكمل المشوار لما اوصل لهدفي طب الطوارئ ^^..

تقسيمه الموضوع راح تكون

1) نصائح بدونها ما راح توصل ^^.
2) طريقة دراستي ( ويقسم الى عاشر - 11 -12 )
3)التغلب على المشاكل من الامتحانات وحتى القدرات
4) كلمة اخيره + خاتمه

---------------------------------------

بسم الله الرحمن الرحيم ابدي


1) نصائح بدونها ما راح توصل

هالنصائح او الخطوات اللي كنت اتبعها عشان امسح شي اسمه توتر ورهبه من مخي وامسح كلمة مستحيل


1) لازم تؤمن انك تقدر توصل لكل شي ..

يعني لو انه درجتك 60 انك تقدر توصل للي تبي .. اي نعم تقدر توصل لل90 .. تقدر توصل لل100 لو تبي .. بس تدري شنو اللي بيوصلك شي واحد اسمه الثقه بالنفس والاقدام .. لو انت بتقول عن نفسك فاشل وما تقدر .. تبي الناس تقول هالانسان فيه خير .؟ طبعا مستحييل .. اذا انت واثق من نفسك و مؤمن بقدراتك واتبعت خطوات معينه انت حطيتها لنفسك صدقني بتوصل .. ولا تقول مستحيل انت مو ناقص لا ايد ولا ريل مو ناقص عقل عشان تخلي اللي يابوا بال90 احسن منك .. ليش اهم مخهم اكبر من مخك .. ولا يدرسون من كتاب غير كتابك .. لا اخوي .. لا تقول انا ادرس واتعب وما اييب واهم ما يدرسون وييبون درجات .؟ بجذي اهم احسن مني .. الله خلقنا كلنا بنفس العقل وبنفس المستوى ماكو احد احسن من احد بس في اللي يدرس دراسه على الطاير وفي اللي يدرس بضمير في اللي يستحضر النيه انه الدراسه لله و في اللي بس يبي يفتك من الكتاب .. عشان جي خلك واثق و داايما قول انت قدها وقدود ومحد يقدر عليك ومحد احسن منك وان شاء الله باللي راح اكتبه راح يتحسن مستواك باذن الله ^^.. ودايما حط ببالك الاميه ولا ترضى بالقليل .. اقولك ياها ازعل على الدرجه لانها راح ترفعك وازعل على النص لانه راح يرفعك ..لاتقول شدعوه لما تتخرج راح تحس بقيمه الدرجه لما ما تقبلك الكليه اللي تبيها .. لا تقول الاميه مستحيل ان حطيت الاميه بتييب بالتسعينات وان حيطت 90 بتييب بالثمانينات وجي .. واتوقع الكل يبي التسعينات ^^


2) اختار غرفه معينه و قلم معين ..


اي نعم وفق لدراسات علميه اكتشفوا انه اذا انت التزمت بنوع واحد من الاقلام او بشكل واحد من الغرف تركز المعلومه اكثر .. يعني لما مثلا احنا نختم القران برمضان ليش كله الاهل يقولون لنا التزموا بمصحف واحد عشان ما تتخربطون .. هاذي اهي .. لا تقول شكو .. شوف انا وحده من ثامن بدا يرتفع مستواي قبلها كنت مقوعه على قولتهم .. ليش اني اخترت مكان دراستي اللي ارتاح فيه و التزمت بنوع واحد من الاقلام احل فيه الامتحان .. جربها وما راح تخسر شي انا وحده كنت احب اقلام pilot (f اهو نادر شوي لوول كله تلقون M بس انا كنت مصره على الf .. لاني تعودت اكتب فيه واستانس عليه ^^.. وكنت ازينه و لحد اللحين اكتب بقلمي مال ثامن بس اغير الحبر لي خلص .. اما الغرفه فلازم على نمط معين ايام الامتحانات يمكن تضحكون بس انا وحده احسن اتخربط لما اقعد ادرس بالغرفه و الدار متغير شكلها يمكن لاني صعب اني اتعود على شي يديد بس عشاني متعوده على نمط معين اقدر اركز فيه ^^.. يعني باختصار اختارلك غرفه هاديه معزوله عن الكل مافيها صوت تلفزيون ولا يهال يناططون و يفضل انها تكون مهويه يعني فيها درايش واايد عشان يدخل النور وتركز والوانها هاديه حاول تكون بهالدرجات من الالوان وما تكون فاقعه ^^.. وسمعت مره انه الاصفر يساعد على التركيز .. و اذا كنت من النوع المتوتر دايما اخذ البنفسجي مو شرط تكون لون الغرفه انت البس بنفسجي غلف كتابك بنفسجي .. جي ..

3) رتب الغرفه و هيأها ..

اذا قربت الامتحانات روح الغرفه اللي تدرس فيها انت رتبها لزق على الطوف عبارات تشجيعيه تونسك او حط الالوان اللي تحبه اكييد بتقول هاذي شتخربط بس جربها و صدقني نفسيتك قبل الامتحان وحتى اثناء الدراسه بتصير احسن ^^. حط دايما سمايل فيسس و انا شخصيا كنت حاطه صوره house ( مسلسل طبي هه يطلع على ام بي سي فور ) هههه اهو قدوتي بالطب لوووول

4) عاهد نفسك ..


من اليوم افتح الوورد و اكتب عهد .. يعني سوه جنه صجي
انا فلان الفلنتاني اعاهد نفسي اني راح ارفع من مستواها و اييب الدرجه الفلانيه والخ عاد انتوا وشطارتكم ^^.. وحط اخر شي صورة الشي اللي تطمح له ووقع وحطه بالغرفه اللي تدرس فيها ^.^ واذا تستحي حطه بكتابك اللي تخاف منه ..

5) العصير السحري ..



ايام الامتحانات الاحظ واايد طلبه يلجأوون للوجبات السريعه ووحده منهم اختي .. متى ما توترت على طول وجبات سريعه ايام الامتحانات .. هذا اكبر غلط .. اخواني وخواتي الدهون تشغل المعده و تضغط على المخ او شي جي وهاذي دراسه قاريتها مره بس ما ادري وين وبس احصلها احطها لكم .. المهم عشان جي حاولوا تخففون من الوجبات السريعه والدهون ايام الامتحانات و اصلا اهي راح تزيد ضغط الدم بالتالي يزيد التوتر وانتوا مو ناقصين توتر عشان جي اخذوا العصير السحري .. انا بالنسبه لي احب البرتقال عشان جي كنت واايد اشرب منه ايام الامتحانات ممكن تحطون ليمون - برتقال -تفاح - اناناس - فراوله اللي يحبه قلبكم بس ما يكون فيه واايد شكر ولا وايد كريمه و هالخرابيط .. حاولوا يكون اكلكم صحي على الاقل ايام الامتحانات فحط صحنك على الغدا و حط اللي تبيه بس مو تترسه مره ثانيه لا خلها مره وحده عشان ما تنغث بعدها .. واياكم واللبن يوم الامتحانات هذا خراب بيووت لوووول ييب النوم .. عيش ولبن و نومه هنيه لوول حاولوا تبتعدون عنه ^^.. وكثروا من الخضره و هالسوالف الصحيه .. وو الكاكاو و ما ادراك ما الكاكاو عند معشر البنات خاصه .. حبايب قلبي صج انه الكاكاو يصحصح و بالفعل يرفع نسبه الذكاء بس يزيد الوزن بعد .. و بعد في شي غلط فاهمه الكل مو الكاكاو المصنع بالمصانع واللي فيه بلاوي زرقه اهو الكاكاو اللي يرفع نسبة الذكاء لااااااا .. الكاكاو المر الاسود اهو اللي يرفع نسبه الذكاء لانه ما فيه منكهات و خرابيط و زايدين عليه شكر وهالسوالف ^^..

6) انسب وقت ..



دايما اختار انسب وقت للدراسه والحفظ و هاذا غلط الكثيير من الناس ينام طول اليوم و يقوم المغرب او العصر ويواصل لي الصبح هذا اكبر غلط .. وفقا لدراسه علميه يقولك بعد صلاة العشا سبحان الله الجسم يبدي يخرج فضلاته و ينقي الجسم بالتالي عقلك الباطن بيكون مشغول بتنقيه جسمك .. وهاذي العمليه تنتهي قبل صلاة الفير .. وهاذي المعلومه من الدكتور شعبان رمضان (لوول اهو اسمه جي كان ياينا بالمدرسه ^^) .. عشان جي انسب وقت للدراسه والحفط اهو الصبح بعد صلاة الفير ..وانا جربت هالشي القصايد كنت احفظها بخمس دقايق ( ماشالله ) الصبح بس العصر كنت واايد اطول عليها .. وايام الامتحانات نفس الشي .. يعني باختصار اقعد الصبح صل الفير .. جهز غرفة الدراسه .. ترييق وعين من الله خير وابدي ادرس ..^^ راح تشوف نفسك حتى بالفاينل ما تصير الساعه 4 العصر الا انت خاالص وصاك كل شي ^^.. وبجذي تنام بكيير وتصحا بكيير ^^.. وتركز بالامتحان

7) المراجعه ..


اهم جزء من الدراسه اهي المراجعه .. شخصيا كنت اقعد من الساعه 1 الصبح لي الساعه 2 ونص اراجع او ساعات تكون اقل .. مجرد انك تراجع على السريع المعلومات المهمه وبعدين تنام وبالفعل هالطريقه تخلي مخك يخزن بالعقل الباطن بسرعه ..( فرقوا انا قلت دراسه ما ينفع الفير بس مراجعه اوكي لانه اساسا مخزنه المعلومات ^^) ..

8) رضا الوالدين ..



والله العظيم انه دعوتهم بالدنيا .. قبل لا تدرس جرب تبوس راسهم يوم وتقولهم ادعولي حتى لو متهاوش معاهم جرب وشوف .. وشوف شلون ربك بيفتح ابواب الدنيا بويهك ^^..

9) لا تبخل ..


وهالشي خاصه للفائقين .. يا حبايب قلبي مثل ما انتوا تحتاجون المعلومه ساعات .. غيركم يحتاجها .. ولا تخافون لو انكم شطار ما راح يصكون عليكم .. دايما يكون تفكير الشطار ما اساعد فلانه عشان ما تصير احسن مني .. شكو .؟
يبا دامها صارت احسن منج اكيد درست اكثر منج يعني عليها بالعافيه .. درسي وصكي عليها .. هاذي المنافسه الشريفه .. مو اضرها عشان ما تصير احسن مني .. اسمحيلي انتي عايشه بقوقعه الحسد وعدم الثقه بالنفس وعمرج ما راح تصيرين احسن منها حتى لو درجاتج احسن .. يا بشر المتفوق مو متفوق بدرجات بس ترا المتفوق متفوق بالاخلاق .. بعد 10 سنين محد راح يتذكر جم كانت درجتك .. تكفون منو يتذكر درجة منافسه ولا درجته يوم كان بثانيه ابتدائي .؟ بس تدري شنو بيتذكرون بيتذكرون اخلاقك بيقولون اي والله فلان الله يذكره بالخير كان يساعد .. ياخي كافي الاجر من ربك .. صدقني اللي الله كاتبه بيصير .. وشحلاة الابتسامه لما تشوفها على انسان بينه و بين السقوط شعره و حل سؤال رفعه انت كنت معلمه ياه وربي ونااااااسه ما تضاهيها وناسه .. ولا انسان ساقط 3 سنين ورا بعض و مسكته من اول السنه لوجه الله وساعدته و دق عليك قالك انا نجحت والله ونااسه وانا جربتها ...

10 ) لا تتنرفز .. ولا ترافج المتنرفزين ..


شوف المتوتر و المتنرفز و اللي يخرع البشر هذا انسان الكل يكرهه و ينفر منه .. وانت بعد لازم تنفر منه تدري ليش لانه راح ينقلك هالداء .. ان شفت واحد متوتر وخر عنه .. لا تقرب منه يمكن ما يكلمك بس ترا الاشارات السلبيه بتعابير ويهه تنتقل بسرعه .. عشان جي خلك كوووول دايما .. ودايما حط ببالك انه الامتحان مجرد ورقه كل 99% من اسئلتها بالكتاب واللي حاطها مو نبي ( استغفر الله ) انسان عادي نفسنا مطلع الاسئله من الكتاب واكييد مثل ما كثير يقدرون يحلون هالاسئله انا بعد اقدر احلها .. انت دايما تذكر هالشي وصدقني راح تكون كووول ^^..


توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 07-07-2011, 12:34 PM   رقم المشاركة : [2]
DR.dark0.o
عضو برونزي

 الصورة الرمزية DR.dark0.o
 




افتراضي

) لا تراجع قبل الامتحان بساعه

.. ديرباااااااااااااااالكم وقاعده احذر .. ديرباااااالكم تفتحون الكتاب قبل الامتحان بساعه او نص ساعه .. ترا راح تطير معلوماتك وراح تتوتر .. و دامك راجعت الصبح ودرست عدل ماله داعي تراجع قبلها بساعه خلك كوول ولا تفتح الكتاب وارتااح نفسيا .. الا اذا ساعات سؤال نسيت اجابته تقدر تطل فيه بس انك تفتح وتراجع من اول نصيحه من اختك لا تسويها والله تطير المعلومات ...

12) انت مميز ..

شوفوا كل انسان يختلف عن انسان ومولازم تكون طريقة دراستي تنفع للكل .. يعني كل انسان له طريقة الخاصه .. اعطيكم مثال انا وحده ما اعرف ادرس من ملخصات دايما من الكتاب وما ادرس وانا امشي ادرس وانا قاعده عكس اختي مع انها شاطره مثلي وبنفس مستواي تقريبا بس اهي تدرس من الملخصات وما تعرف تدرس واهي قاعده لازم تفر .. عشان جي لا تقول فلان الاول يدرس من المذكره الفلانيه يعني بس ان درست منها خلاص انا بصير الاول لا يا اخوي .. خل هالمذكره نفس نموذج تحله عقب ما تدرس .. خلك واثق من طريقه دراستك ومالك شغل بغيرك ^^..

13) دايما استغل كل فرصه ..


باختصار اي شي يطيح بايدك من نماذج اسئله .بنوك . مذكرات استغلها وحاول تدرس منها ^^.. وان انصحكم صراحه بمذكرتين ( جمعية المعلمين والله مايطلع من افكارها الفيزيا وموضوعي الرياضيات كوبي منها .. و مذكرة التبسيط بس مذكرة التبسيط يحطونها بس بامتحانات الفاينل بجمعية العمريه ^^) .. اعييد واكرر هالمذكرات خلوها مراجعه لكم مو دراسه اساسيه وانا دايما انصح انه المواد العلميه تندرس من الكتاب ما ينفع ماده علميه تدرسها من ملخص لانه يي من بين الاسطر اما الادبيه على راحتك ^^.. تبي ملخص تبي كتاب انت وكيفك ^^


14) اسال بكل شي ..

وانت تدرس حطلك ورقه بيضه اكتب اي سؤال يخطر ببالك حتى لو سخيف وتافه اسأل .. ترا ما يخربط الا الاسئله التافهه .. بالصح والخطأ اسألوا دايما المدرسين و اي شي بالحصه مو فاهمه اسأل لا تستحي .. ما في شي عيب تستحي منه انت قاعد تطلب العلم وهالشي تاخذ عليه اجر .. ^^ دايما اسال ولا تستحي ^^..

15) اخر نصيحه نظم وقتك



يعني انا قبل لا ابدي دراسه كنت احط ورقه اقسمها اربع اقسام ( يعني احط خطين مثل الزائد ) القسم الاول اللي تحت على اليسار كنت اكتب فيه عبارات تشجيعيه يعني مثلا ( الطب تنطرج - انتي قدها وقدود -الخ ) ا\ القسم اللي فوق على اليسار كنت ارسم الامتحان رسم بسيط يعني احط مثل مربعات واكتب انه الامتحان 5 صفحات اول صفحه مصطلح و صح او خطا والصفحه الثانيه جي ..ألخ \ القسم اللي فوق على اليسار احط فيه نفس اوامر لي يعني ( ادرس الكتاب والدفتر- ادرس النماذج - احل المذكرات -الخ من الاوامر ^^عشان ما انسى شي )
القسم اللي تحت على اليمين .. احط فيه تقسيمه الكتاب يعني مثلا عندي كتاب الكيميا كان كميه كبيره بس انا خلصته بسرعه لاني قسمته فمثلا خذيت من اول الكتاب لي الالدهيدات والكيتونات هذا قسم من ص 1 الى ص30 مثلا .. وبعدين القسم الثاني من الكربوكسيليه لي الامينات منص31-60 مثلا .. والقسم الثالث التحليل النوعي من ص70 لي ص 90 مثلا وبعدين التحليل الكمي من ص90 لي ص 130 .. مثلا .. وكل قسم اخذ عليه ساعتين و نص وبين كل قسمين اخذ رااحه ربع ساعه ^^.. و بين كل قسم وقسم اخذ راحه 5 دقايق ^^.. بجذي اخلص بسرعه .. وانظم وقتي .. ( اتمنى يكون فهمتوني ^^) ,,

يرجى عدم الردالموضوع لم ينتهي
توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 07-07-2011, 02:58 PM   رقم المشاركة : [3]
DR.dark0.o
عضو برونزي

 الصورة الرمزية DR.dark0.o
 




افتراضي

طريقة دراستي ..

اول شي بقولكم معلومه حلوه ..
( كمنهج عاشر اصعب من 11 و 11 اصعب من 12
اما كامتحانات عاشر اسهل من 11 و11 اسهل من 12 )
يعني كل ما زادت مرحلتك قلت صعوبة المننهج وزادت صعوبة الامتحانات هذا من وجهة نظري ونظر ابلاتي ^^.. قصدي من صعوبة الامتحانات يعني امتحانات دقيقه .. يعني ادرس من الكتاااب بالنسبه لعلمي اما ادبي اتمنى احد من الاخوان ينفعنا خاصه الاخ خريج واخير اهو شاطر بهالسوالف ^^...

دراستي و سبب اختياري لعلمي ..


انا وحده تفكيري علمي بحت .. حفظ صفر اما فهم افهم عدل ^.^ غير انه طموحي طب فلو يقطوني بالنار بعديها عشان اوصل لطموحي وهذا اللي ابيه منكم ^^..


دراستي كانت اول باول يعني بليل وانا ارتب اغراضي كنت اشوف جدولي يعني مثلا باجر علي فيزيا - احياء - دستور - عربي - انجليزي - رياضيا -اختيار

كنت قبل لا احط الفيزيا بالجنطه اراجع الدرس اللي طاف واحفظ كل شي فيه ونفس الشي لكل المواد حتى العربي كنت احفظ الفكر وكل شي اول باول والانجليزي بعد + اذا في مواد يطالبون اني احضر كنت احضر لهم ^^ كنت اروح اجهز اغراضي الساعه 7ونص واخلصهم 9 تقريبا وانام مع العلم اني ما انام العصر ونصيحه من اخت كنسلوا نومة العصر هاذي والله ترا فيها تخسروون وقت كبير ادري انها مفيده بس تكون مفيدة اذا ما تتعدا 45 دقيقه بعدها يبدي الجسم يخمل حتى لما تقعدون تحسون مو عارفين شتسوون + دراسه الامتحان سبق وذكرتها ^^..


بالنسبه لاصعب واسهل المواد ( انا ما احب كلمة اصعب اقدر اقول ادق المواد لانه كل شي تقدرون تتغلبون عليه ان شاء الله ^^)


عاشر :
الاجتماعيات ( هالماده اذا ما تراجع اول باول انت ضاااااااااااايع وانا وحده ضعت اول كورس وبجيت لما شبعت وبلعت العافيه بس الكورس الثاني تغلبت على هالمشكله باني كنت احفظ كل درس بيومه اما الكورس الاول كان كله فوق بعض بيوم واحد )
العربي ( ما اقولكم العربي صعب نو بس امتحاناتهم مغثه وتغلبت على هالمشكله باني كنت انزل مراجعات من هالمنتدى وملخصات للدروس وكنت اطلع اسئله على كل سطر والنحو كنت اقوي نفسي بنماذج امتحانات احلها ^^ )
الرياضيات ( انا ما حسيته صعب بس بما انه الكل يجمع انه صعب خلوني اقولكم شلون تغلبت عليه لوول طبعا كان الكورس الاول مأساة لانه فوق ال6 ابلات درسوني بس الحمدلله يبت فل مارك ماشالله ^^.. باني كنت احل كل شي وبعد مثل ما قتلكم الموضوعي ما طلع من مذكرة جمعية المعلمين و انا شاطره بالمقالي وكنت احل كل اسئله الكتاب كلها حتى اللي الابله ما حلتها ^^ )


حادي عشر :
طبعا الفيزيا : ( انا بالنسبه لي ما كان بالصعوبه اللي مهولين فيها . .يمكن لانه ابلتي واايد زينه وتشرح كل شي بس همن اسئله الامتحان كلها من مذكرة جمعية المعلمين لوول حتى امتحان الكورس الثاني كوووووبي واقسم بالله كوبي من مذكرة جمعية المعلمين ..+ المراجعه اول باول واسأل الابله على طول باي شي ما فهمته ^^)
الكيميا : مم بالنسبه للكيميا مو صعب كثر ما اهو كميه .. الكيميا كان كميه كبيره بس بالمراجعه اول باول و تقسيم الوقت يوم الامتحان خلصت بوقت مبجر ^^...
الاحياء الكورس الاول : انا وحده عاااشقه احياء فما واجهت فيه صعوبه لووول الا الكورس الاول لانه عن النبات والابله كانت ما تشرح عدل وتغلبت عليه بالمراجعه بعد ( شفتوا المراجعه شتسوي والله مو القصد اكرر الاجابه بس هذا بالفعل الجواب )
الرياضيات : الكورس الاول غثيث الكورس الثاني سهل .. الرياضيات لانه دمجوا رياضيات واحصاء فكان كميه مهوله بالنسبه لنا بس لاني كنت اقعد الفير وابدي دراستي بعد الصلاة على طول كنت اخلص على الساعه 6 مع بريكات بين كل جزء ^^..

الثاني عشر :

والله والله والله ان 12 اسهل مرحله راح تمر عليكم بحياتكم كلها و كل نص راح تتحسفون عليه من كثر سخافة المناهج .. صج مناهج سخييفه .. لوول اما الرياضيات فالله يعطيها العافيه ابلتنا كانت دايما تعطينا نماذج امتحانات خارجيه وجي ونحلها و بعد كتاب جمعيه المعلمين و مراجعه و تنظيم الوقت الحمدلله واذا تبون نماذج الامتحانات اللي تعطينا ياهم الابله اهم موجودين بموقع وزارة التربيه اليديد ^^.. وايد حلوين ما انصحكم تطوفونهم لان الرياضيات خاصه الموضوعي ترا واااايد يتكرر يعني امتحانا الفتره الثالثه والاولى كان كوبي منهم ^^..


-----------------

بالنسبه لامتحان القدرات ^^..


طبعا الكل يسمع انه دمار وخرااب والخ .. طبعا بدون امتحان القدرات ماكو لا طب ولا هندسه ولا اداريه عشان جي القدرات مهم ومو بس نجاح لازم نسبه فيه بعد وتلقون موضوع عن امتحان القدرات كنت مسويته مثبت ^^ يشرح كل شي عن القدرات اذا ما فهمتوا قولولي ما عندي مانع اشرح .. بالنسبه لي ولله الحمد امتحاناتي القدرات كلهم فوق ال90 الحمدلله بالتالي ودي اقولكم عن طريقة دراستي



الانجليزي :
لا تفر ولا تحتار غير مذكرة الدورة لا تختار (( لوول جنها صارت اغنيه ..
المهم طبعا الفوكابلري والغرامر ما تطلع من المذكره وعلى ضمانتي الشخصيه انا وحده امتحنت 3 امتحانات وانا ادرس من مذكرة الدوره مالت الجامعه وكل مره احل شويه منها لما اخر امتحان حليت كل المذكره والحمدلله يبت فوق التسعين و صج 99% من الفوكابلري من المذكره اما الواحد بالاميه ما ادري يمكن على حظكم يغيرون ^^.. و القرامر ما يطلع بعد اما الفقرات فطبعا تعتمد على فهمكم^^ويبت بالانجليري 91 (ماشالله )

الرياضيات :
هذا همن من دورات الجامعه مو بس المذكرات يعني الانجليزي لو تتسلف المذكره وتحلها بدون لا تروح الدوره عادي تيب درجه حلوه بس الرياضيات مذكره بدون دوره ما تنفع .. انا حبيت شرح بدر الشمري و وفاء امين و يمدحون سامر السحار واايد بس انا كنت عند وفاء واخر كلاس عند بدر بالفعل يعطونكم طرق مختصره تحلون فيها الرياضيات بسرعه ^^ وبعد ما انكر دور ابلتي بالمدرسه كنت اي سؤال ما افهمه اروحلها وتشرحلي ياه سواء من المذكره او من امتحانات موقع القدرات ..^^ وخذيت 95 ( ماشالله )

الكيميا :
ممم هذا ما ادري شلون يبت الدرجه لوول بس كنت اساسا يايبه مدرسه تحل معاي المذكره مالت القدرات و الدورات وبالفعل ما طلع من افكارها و 98% من الامتحان من مذكرات الدورات ويبت فيه 96 ( ماشالله )

يعني باختصار لا تروح اي مكان غير دورات الجامعه او مذكرات الدورات راح تغنيك بالنسبه للانجليزي والكيميا انت محتاج المذكره بس بالنسبه للاقويا بالكيميا والانجليزي اما الرياضيات ما تنفع مذكره بدون دوره صراحه ^^..




-----------------------------------------



يتبع يرجى عدم الرد

توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )

DR.dark0.o غير متواجد حالياً   رد مع اقتباس
قديم 07-07-2011, 03:18 PM   رقم المشاركة : [4]
DR.dark0.o
عضو برونزي

 الصورة الرمزية DR.dark0.o
 




افتراضي

اخر كلمة :


يا اخواني وخواتي والله انتوا تقدرون والله تقدرون بس جددوا العزيمه بنفسكم و اقنعوا نفسكم انكم تقدرون اقعد بغرفه بروحك و غمض عيونك و كرر بنفسك ان اقدر اقدر ليما تحسها تتكرر لا اراديا .. محد احسن من احد واكرر طريقة دراستي ممكن ما تنفع للكل عشان جي انت حط جدول للامتحانات و اتخذه نفس عهد لك تلتزم فيه لو شنو يصير وغير جي الجدول خله يبدي من اخر امتحان لي اول امتحان مثلا لو جدول امتحاناتك
فيز
كيميا
احيا
عربي
انجليزي
رياضيات

انت جدول دراستك يصير
رياضيات
انجليزي
عربي
احياء
كيميا
فيزيا
جي عشان كل ما صار الامتحان اقرب صارت المراجعه اقرب له ان اجي احط جدولي وعلمت اختي نفس الشي واهي قاعده تمشي اللحين على نفس الشي ووايد مرتاحه عليه ^^..

خلك قدها و نافس بشرف مو بحقد وحسد ترا كلنا هدفنا وااحد نعمر هالديره ونرفع راسها وراس اهلنا ^^.. مالك شغل باللي يحبطك و يقولك صعب ماكو شي صعب على ربك ان شاء الله وانت ان توكلت عليه وما تواكلت اكييد بيجزيك على قد عملك ^^.. لا تعترض على شي يمكن هالشي خيره بالنسبه لك يعني شوفوا انا وحده مره اعترضت على شي وبجيت بس والله حمدت ربي وسجدت له لانه الشي اللي بغيته ما صار لانه الحمدلله كان خيره لي ^^.. حط هدفك من اللحين وادخل قدرات لاحد يلعب بمخك ويقولك القدرات مو مهم ترا والله يساوي نتيجه الثانويه بالاهميه وااايد مهم ..
---------------------------------------------------------------------


اخيرا .. اشكر كل من دعمني بهالمنتدى الكل بدون استثناء .. اشكر ام يعقوب على هالمنتدى اللي لولاه يمكن ما وصلت لهالمركز لانه صج فادني وبدعيلج يا ام يعقوب بظهر غيب واتوقع الكل يدعيلج و يدعي للناظر على هالمنتدى الروعه .. اشكر كل الاعضاء اللي دعولي من قلب والله انكم بمعزة اخواني وخواتي .. واشكر كل من شجعني .. اشكر قروبي حبايب قلبي اعضاء قروب طموحنا طب 1 و2 ( هووبا ( اللي يننته سنه ) والحر وطالبه والطالبه الممتازه و M.M.M و بوجاسم و حمود وبوسعدة و منافسي المستقبلي شارك الكل والله انكم احلى قرووب وناس تعرفت عليهم بحياتي كلها ^^) .. ومهندسينا ما انسى فضلهم ( رحال و مهندسه دوت كوم و دكتوره A و ادووجا و همسة و فطووم وسوليد و اوسم والكل والله انكم احسن اخوان وخوات ) .. اشكر والديني اللي سهروا علي و تعبوا اكثر مني .. واختي VAMPIRE GIRL واقولها شدي حييلج ترا الكل معتمد عليج ^^.. اشكر اخوي خريج اللي يننته معاي على ما ارد عليه ^^.ومشمش حبيبة قلبي ^^ وغلا وحلا وحمني شدوا حيلكم ترا متفائله فيكم .. واسفه ان ضريت احد او اذيت احد بهالمنتدى مهما كان الانسان يغلط وخير الخاطئين التوابين ( او شي جي لوول ) وانا اقولكم اسفه مهما كان الاخوان بالبيت الواحد يتهاوشون و يتصالحون ^^... الله يوفقكم كلكم واشوف اساميكم بالجرايد ان شاء الله و نرفع راس ابونا صباح و ديرتنا الكويت .. موفقين حبايبي والسموحه ان نسيت احد ترا كلكم حتى اللي رد علي برد بسيط له معزه بقلبي ^^.. وهالموضوع اهداء لاخوي mQ8 (
اسفه اني تاخرت بالرد عليك سواء بالقروب او باسال داركو السموحه منك اخوي ) و طالبة ادبي ^^..وترا كلنا نفس الشي سواء متفوقين او لا كلنا بشر وكلنا لنا حياتنا مو بس دراسه يعني لا تقولون متفوق ماله حياته الخاصه ولا كسلان ما يدرس ترا الشطاره مو مقياس لشخصيه الانسان ^^





انطلقوا بالردود واتمنى ما اكون طولت عليكم بس حبيت احط كل شي بالتفصيل ^^
توقيع DR.dark0.o

 















قل اعوذ برب الفلق ..قل اعوذ برب الناس .. لا اله الا الله .. ماشالله تبارك الرحمن






DARK LEGEND سابقا
 
من مواضيعي في المنتدي

0 د.داركو عادت لاجابه عن استفساراتكم للطب ,قدرات , دراسه ,و الخمسين الاوائل
0 كليه الطب باختصار ( مقدم من داركو :))
0 خبر عاجل للمقبولين في مركز العلوم الطبيه جامعه الكويت
0 كلية الطب جامعة الكويت كل ما تريد معرفته عن النظام والدكاتره Lyrics (مقدم من داركو)
0 طريقك الى الخمسين الاوائل و التفوق والقبول للكليه اللي تبيها ( مقدم من داركو )


التعديل الأخير تم بواسطة : DR.dark0.o بتاريخ 07-07-2011 الساعة 03:57 PM.
DR.dark0.o غير متواجد حالياً   رد مع اقتباس
قديم 07-07-2011, 03:27 PM   رقم المشاركة : [5]
DR.Shark
من محبي مدرستي

 الصورة الرمزية DR.Shark
 




افتراضي

قواج الله إختي دارك وجزاج الله خير
وأنا أقول إنه أنا بالقدرات كنت مثلج بس أنا وايد أنصح حق الرياضيات بالمدرسين لأنه صج يعطيك أسأله نسخه من الإمتحان
وأنا ماقهرني بالثانوية ونزل معدلي غير العربي بس الحمدالله على كل حال
توقيع DR.Shark

 

 
من مواضيعي في المنتدي

0 شعر الفصحى
0 بااركولي إذا ماتقصرون
0 كل عام وأنت بخير (تاج الغلا)
0 عد من 1 لي 5 وقول إسم عضو ماودك تتركه
0 ضروري طلبتكم 12

DR.Shark غير متواجد حالياً   رد مع اقتباس
قديم 07-07-2011, 04:05 PM   رقم المشاركة : [6]
المعلمة المتميزة
Super Moderator

 الصورة الرمزية المعلمة المتميزة
 



افتراضي


قواااج الله ... انت مفخرة لمدرستي
يستحق التثبيت
المعلمة المتميزة غير متواجد حالياً   رد مع اقتباس
قديم 07-07-2011, 04:10 PM   رقم المشاركة : [7]
Old DreaM
Moderator

 الصورة الرمزية Old DreaM
 




افتراضي

قواج الله
يستحق التثبيت وعن جداره
ياليت الطلاب يستفيدون منج

تحياتي لكم
توقيع Old DreaM

 


البشـر يخطـون والتقصـير حـآصل
وأن حصل مني خطيه سآمحوني

وگآن غبت ومآ حصـل مني توآصل
بالدعـآء والخيـر والطيب أذگـروني


Mr CrAzY سابقاً
 
من مواضيعي في المنتدي

0 مَآزُلّتٌ أتّنُفِسٍّكُ رَغٍْمً أَلاختِنََاقًٍ ll You Are Not Alone ll
0 || عيدكم مبارك وكل عام وانتم بخير منتدى مدرستي ||
0 ؛؛؛ حنين قاتل ؛؛؛
0 تكرار البرامج بدون جيلبريك على ios
0 :: كيف تقوم بإعادة تشغيل ويندوز لايف مسنجر بعد أن تم إيقافه ::

Old DreaM غير متواجد حالياً   رد مع اقتباس
قديم 07-07-2011, 06:44 PM   رقم المشاركة : [8]
غلا وحلا
عضو ألماسي

 الصورة الرمزية غلا وحلا
 



افتراضي

فدتيييينا وااايد يالغاااليــه الف الف ششكر ع التوووضيحات الررروعة
تسسلميييين غناااتي عالموووضع المفيد وعالمجهووود المبذوووول باارك الله فيج
وووووويسسسسسسسسسسسسستحق الثتبيت
توقيع غلا وحلا

 

اللهم ارزقنــا ألسنـة رطبــة بذكـرك وشكـرك ..











"BNAT 11 3LMii E7NA
GDHAA W GDOOD "

D3WATKOUM :*




 
من مواضيعي في المنتدي

0 معنـــــــــــــى كلمـــــــــة (برب)
0 معنـــــــــــــى كلمـــــــــة (برب)
0 الفرررق بيــــــــــــن ان شاءاللــه وانشـاء اللـه : )
0 سجـل حضورك بأسـم شاعـر ..~||
0 سجڷ حضۈڕڪ بٱستَغفر آڷڷـﮧ ۈأتۈب آڷيـﮧ . .

غلا وحلا غير متواجد حالياً   رد مع اقتباس
قديم 07-07-2011, 06:45 PM   رقم المشاركة : [9]
نشميه الكويت
عضو ألماسي

 الصورة الرمزية نشميه الكويت
 




افتراضي


قواااااااااااج الله داكووو


كنت اطبق بعض النصايح الي ذكرتيها ومنها المراجعه الفجر بعد الصلاة وبعدها انام ساعه اريح مخي والبطاقات والأوراق معلقتها بغرفتي وامي زفتني
والعصير السحري هذا الله يسلمج يصير عندي مثل الماي اوقات الإختبارات .. أحسن عصير ومفيد

وبالنسبه للسلبيات .. صح في ناس يوترون ويقولون مادرسنا ومابطلنا الكتاب واخر شي تلقينهم متفوقين وجايبين الفل مارك

>> هواايه عندهم يخرعون الناس :@ بس الحمد لله ما يأثرون فيني


وكله كوم والي يخشون معلومات حق انفسهم كوم :P ..
>> ماني متحجيه لان الكل مجرب هالنوعيه من النااس أكييييد

* انا عكسج المراجعه قبل الإمتحان احسها اتثبت المعلومه لوووووووووول منو الصح انا والا انتي ؟



وشكرآآ لج ع ذكر أسمي فديتج اخت عزيزه وغاليه

وكلنا فرحنالج ..

وناطرينج اتبطلين مستشفى خاص عشان انييلج

<< بس هااه الدخول مجاني لاعضاء المنتدى

وشكرآآ
توقيع نشميه الكويت

 

فـــديـــت مغـناـطـيـسـي



وما نيـل المطـالب بالتمنـي ولكــــــــن تؤخذ الدنيا غلابــا
 
من مواضيعي في المنتدي

0 حمّل تطبيق إمام المسجد الكبير الشيخ خالد الجهيّم
0 حمّل الختمة المرتبة لإمام المسجد الكبير الشيخ ماجد جابر العنزي
0 بحيره من 600,000 cd في بريطانيا !
0 ماكذبت أمي عليّ .. يوم قالت .....!
0 ~~اناترى لاقفيت...ياهيه أقفيت**ماعاد أرجع لو تقوم القياامهـ

نشميه الكويت غير متواجد حالياً   رد مع اقتباس
قديم 07-07-2011, 11:58 PM   رقم المشاركة : [10]
خريج وأخيرا
عضو ذهبي
 




افتراضي

وعليكم السلام ورحمة الله وبركاته

أول شي سلاماااات وما تشوفين شر

...

الموضوع موضوع ...

صعب ألقى كلمات أعبر فيها بدون لا أنقص من قيمته ,

فعلا موضوع قيم , رائع , مميز , مفيييييييييد , , مهم , شامل , ( ينطبق على كل الأزمنة >> جواب سؤال بالتطبيق الخارجي مال العربي) ;p , ممتع , مغذي وصحي للأطفال ... إلخ

...

كثيرا ما أسمع وأقرى عبارة "يكتب بماء الذهب"

لكن قلما أشعر أنها قيلت في مكانها , وها أنا الآن موقن بأن مكانها هذا الموضوع

...

فعلا فعلا فعلا أدعو كل طالب وطالبة إلى عدم المرور عليه مرور الكرام وإلى الإستفادة من الموضوع ومحاولة تطبيقه قدر الإمكان , إذا ما قدرت تطبقه كله طبق أكبر قدر تستطيع , وصج ممكن خطوة خطوتين ما تنطبق على حالك , لكن الموضوع مجملا كنز ثمين أهدتكم إياه دارك ابلاش ,
دومو أريقاتو قوزايمس دارك


أعترف اني قابلت الكثير ممن هم بأمس الحاجة لهذا الموضوع , لأنه أكثر ما ينقصهم هو الإرشاد والتوجيه وليس القدرة التحصيلية (ما يعرفون طريقة الدراسة الصحيحة) , فيا من قرأت الموضوع لا تضيع من يديك ما يتمناه غيرك

وأعترف إن ودي لو طايح عليه وانا طالب ثانوي :]

...

شكرا جدا على انج يبتي اسمي مرتين بهيك موضوع >> شوي ويتشقق , (المشكلة قايل بغير الاسم ^^)

بس بنفس الوقت صار عندي حمل ثقيل واهو اني اكتب شي مفيد بموضوع مثل هذا بدون لا أعكر صفوه ,
الصراحة توني ماكل برجر شمتنها متروسة دهن :-| , ومو نايم غير 3 ساعات ونص
والمعلومات كلها طايرة من مخي :s >> ما يصير أخالف الموضوع واكتب فيه , أليس كذلك ؟ ^^

بنطر يا إن واحد من الأدبي يجاوب أفضل مني , أو أحاول أجاوب بعد استعداد وتسخين وتحضير مو أي حاجة خصوصا إن الموضوع مثبت

...

استمري فالعلو فلا سقف لك غير السماء
توقيع خريج وأخيرا

 






I was stupid to think those days would last forever
but i know the memories will

 
من مواضيعي في المنتدي

0 ما أقدر أكلمك ألحين ! آنا بالصلاة !
0 تلخيص جغرافيا الثاني عشر فترة 3 + 4
0 كيف أحسب نسبتي
0 4 نماذج توضح طريقة حساب النسبة للأدبي بجميع مراحله
0 4 نماذج توضح طريقة حساب النسبة للأدبي بجميع مراحله

خريج وأخيرا غير متواجد حالياً   رد مع اقتباس
رد

مواقع النشر (المفضلة)

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة

الانتقال السريع إلى


الساعة الآن: 07:32 AM


Powered by vBulletin
أكـبر تـجمع تـربوي كـويتي عـلى الانـترنـت منذ عام 2004
تصميم مواقع